हाल कोशीमा एमाले र माओवादी केन्द्र सरकारमा छन् भने नेकपा एकीकृत समाजवादी र जसपाले समर्थन जनाएका छन् । माओवादीले तीन मन्त्री र एक राज्यमन्त्री पाएको छ । पर्यटन, वन तथा वातावरण मन्त्रीमा नारायण बुर्जा मगर, स्वास्थ्यमा राजेन्द्र कार्की, भौतिक पूर्वाधार मन्त्रीमा गणेश उप्रेती र बन्दना झाँगर पर्यटन राज्यमन्त्री रहेका छन् ।

आज वा भोलिसम्ममा सरकारबाट बाहिरिने तयारी रहेको भए पनि मुख्यमन्त्री कँडेल काठमाडौं रहेकाले ढिलाइ भएको उल्लेख गर्दै मन्त्री परियारले माओवादीबाट सरकारमा प्रतिनिधित्व गर्ने सबै मन्त्रीले राजीनामा पत्र बोकेर हिँडेको बताए । यता नयाँ सत्ता साझेदारी गर्न लागेका कांग्रेस र एमालेबीच पनि नयाँ सरकार गठनको प्रक्रिया अगाडि बढेको छैन । केन्द्र सरकारले पूर्णता पाएपछि कर्णालीमा नयाँ सरकार गठनको प्रक्रिया अगाडि बढाउने गरी कांग्रेस र एमालेले तयारी गरिरहेका छन् ।