२७ असार, काठमाडौं। राष्ट्रिय प्रजातन्त्र पार्टीको संसदीय दलको बैठक आज बस्ने भएको छ। सरकारलाई विश्वासको मत दिने वा नदिने विषयमा निर्णय गर्न आज संसदीय दलको बैठक बस्न लागेको राप्रपाका नेता राजाराम श्रेष्ठले जानकारी दिए।
सरकारमा सहभागी दलले समर्थन फिर्ता लिएर मन्त्रीले समेत राजीनामा दिएपछि शुक्रबार विश्वासको मत लिने कार्यसूची तय भएको छ। राप्रपाको प्रतिनिधिसभामा १४ सिट रहेको छ। राप्रपाले एमाले-कांग्रेसबीचको गठबन्धन र संविधान संशोधन गर्ने विषयलाई स्वागत गरेको छ।
