२३ फागुन, काठमाडौँ। नेकपा (एकीकृत समाजदवादी) ले एमाले–माओवादीसहित बनेको नयाँ गठबन्धनलाई साथ दिने निर्णय गरेको छ।
पार्टीको सचिवालय बैठक बस्नुअघि अध्यक्ष माधव नेपालको निवासमा बसेको शीर्ष नेताहरुको बैठकमा यस्तो सहमति बनेको हो । तर, नयाँ गठबन्धनको सरकारमा भने तत्काल नजाने आफूहरुको निर्णय रहेको सम्मानित नेता तथा पूर्व प्रधानमन्त्री झलनाथ खनालले जानकारी दिए ।
खनालले एमाले–माओवादी गठबन्धनभन्दापनि आफूहरुको लागि वामपन्थी एकताको विषय ठूलो भएको बताए । त्यसको लागि एमाले र माओवादी कसरी आउँछन् भन्ने विषय अझै पर्ख र हेरको अवस्था रहेको उनको भनाई छ ।
हिजोमात्र प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल एमाले अध्यक्ष केपी शर्मा ओलीसहित कोटेश्वर पुगका थिए । आज विहान भने कांग्रेस सभापति शेरबहादुर देउवाले नेपालसँग भेटेका छन् ।
