२३ फागुन, काठमाडौँ। नेपाली कांग्रेसका नेता रमेश लेखकले पूर्वप्रधानमन्त्री एवं एकीकृत समाजवादीका अध्यक्ष माधवकुमार नेपालसँगको छलफल सकारात्मक भएको बताएका छन्।
अध्यक्ष नेपाललाई भेट्न देउवा उनकै निवास कोटेश्वर पुगेका छन् । देउवासँगै उनकी पत्नी आरजु र नेता रमेश लेखक पनि सहभागी थिए । अध्यक्ष नेपाल रुघाखोकीको बिरामी भएपछि केही दिनदेखि आराम गर्दै छन्। आजको भेटमा पछिल्लो राजनीतिक अवस्थाबारे दुई नेताबीच कुराकानी भएको थियो । नयाँ गठबन्धनमा नेता नेपाल नेतृत्वको एकीकृत समाजवादीलाई समेट्न एमाले र माओवादीका शीर्ष नेताहरु सक्रिय छन् ।
विकसित राजनीतिक घटनाक्रमका बारेमा छलफल हुनु स्वभाविक भएको लेखकले बताए । गठबन्धन टुट्नुको आधिकारीक धारणा पार्टीको कार्यसम्पादन समितिको बैठकबाट दिइसकेको उनले बताए ।
