१५ फागुन,काठमाडौँ । नेपाल क्रिकेट संघ क्यानले क्रिकेट खेलाडीलाई मासिक एक लाख रूपैयाँसम्म तलब दिने भएको छ।
क्यानको १२ र १४ गते बसेको केन्द्रीय कार्यसमिति बैठकले खेलाडीहरुको बर्गीकरण गर्दै उनिहरुको समेत तलव निर्धारण गरेको छ । क्यानले गरेको नयाँ बर्गीकरण अनुसार ग्रेड ए देखि डीसम्म समावेश गरिएको छ । क्यानले निर्धारण गरेको वर्गिकरणमा परुष तर्फ ३० जना खेलाडी समावेश भएका छन् भने महिला तर्फ १९ जना समावेश भएका छन् ।
ग्रेडअनुसार ए ग्रेडका खेलाडीले मासिक १ लाख पारिश्रमिक पाउनेछन् । यस्तै, क्रमशः बी ग्रेडका खेलाडीलाई ७०, सी का लाई ५५ र डी ग्रेडका खेलाडीलाई ३५ हजार तलब निर्धारण गरिएको क्यानले जनाएको छ । यस्तै इमर्जिङ क्याटोगरिका खेलाडीलाई २५ हजार मासिक तलब निर्धारण गरिएको छ ।
महिलातर्फ ए ग्रेडका खेलाडीलाई ५० हजार, बी ग्रेडका खेलाडीलाई ३५, सी ग्रेडका लाई ३० तथा डी ग्रेडका महिला खेलाडीले २५ हजार तलब निर्धारण गरिएको छ । महिलातर्फका इमर्जिङ क्याटोगरिका खेलाडीलाई मासिक २० हजार तलब निर्धारण गरिएको छ ।
पुरुषतर्फ ग्रेड ए मा परेका खेलाडीः रोहित पौडेल, सोमपाल कामी, करण केसी, दिपेन्द्र सिंह ऐरी, आशिफ सेख र कुशल भुर्तेल
ग्रेड बीः कुशल मल्ल, गुलशन झा, भिम सार्की, ललित राजवंशी, आरिफ शेख र अविनाश बोहरा
ग्रेड सीः बिनोद भण्डारी, अर्जुन साउद, सन्दीप जोरा र प्रतिस जी.सी.
ग्रेड डीः पवन सर्राफ, सागर ढकाल, अनिल शाह, विवेक कुमार यादव, आकाश चन्द, बसिर अहमद र सुर्य तामाङ
इमर्जिङ क्याटोगरिः दिपेश कँडेल (कोशी), रुपेस सिंह (मधेश), रिजन ढकाल (बागमती), बिपिन खत्री (गण्डकी), देव खनाल (लुम्बिनी), अर्जुन घर्ती (कर्णाली) र हेमन्त धामी (सूदुरपश्चिम) ।
महिलातर्फको ग्रेड एः इन्दु वर्मा, रुविना क्षेत्री, सीता राना मगर
ग्रेड बीः कविता कुँवर
ग्रेड सीः पुजा महतो, अश्मिना कर्माचार्य
ग्रेड डीः अप्सरी बेगम, कविता जोशी, संगिता राई, काजोल श्रेष्ठ र बिन्दु रावल
ईमर्जिङ क्याटोगरिः सोनी पाख्रिन, खुसी डंगोल, ज्योत्सनिका मरासिनी, कञ्चन श्रेष्ठ, रुबि पोदार, सृस्टि जैसी, सम्झना कुमारी खड्का र सना प्रविन
