१३ पुस, विराटनगर । सुनसरीमा पेस्तोलसहित दुई जना पक्राउ परेका छन् । कोशी गाउँपालिका-१ बाट पेस्तोलसहित दुई जनालाई प्रहरीले पक्राउ गरेको हो ।
सुनसरीको कोशी गाउँपालिका १ लौकही बजारमा रहेको बी.एस. होटलबाट उनीहरू पक्राउ परेका हुन् । पक्राउ पर्नेमा भारत बिहार राज्यको अररिया जिल्ला बसमतिया २ का २४ वर्षीय हासिम अन्सारी र बसमतिया ६ का वर्ष ३५ का विद्यानन्द राम रहेका छन् । उनीहरूकाे साथबाट प्रहरीले दुई थान अटोमेटिक पेस्तोल, तीन राउन्ड गाेली र चार थान म्यागजिन बरामद गरेको छ ।
बरामद हतियारसहित पक्राउ परेका भारतीय नागरिकद्वयलाई जिल्ला प्रहरी कार्यालय सुनसरीले मंगलबार पत्रकार सम्मेलन गरी सार्वजनिक गरेको हो। प्रहरीले होटलबाट भारतीय नागरिकले प्रयोग गरेको बीआरफिप्टीके/०१४९ नम्बर प्लेटको सुपर स्प्लेन्डर मोटरसाइकलसमेत बरामद गरेको बताएको छ।
