१६ माघ, काठमाडौँ। संस्कृति पर्यटन तथा नागरिक उड्डयनमन्त्री सुदन किरातीले वायुसेवा निगमका अध्यक्ष युवराज अधिकारीको काम कारबाहीमाथि प्रश्न उठाएका छन्।
सन २०१२ बाट ग्राउन्डेड ट्वीनअटर जहाज बनाउन निर्देशन दिएको करिव ६ महिना सम्म पनि कार्यन्वयन नभएपछि मन्त्र किरातीले यस्तो प्रश्न गर्नुभएको हो । कानुनी प्रकृया पुराभएको २ महिनामा जहाज बनाइसक्ने निगमका कार्यकारी अध्यक्ष युवराज अधिकारीले मन्त्री किरातीलाई जानकारी गराएपनि हाल सम्म पनि कार्यन्वयन भएको छैन ।
मन्त्री किराँतीको निर्देशनपछि वायुसेवा निगम सञ्चालक समितिको बोर्ड बैठकले ग्राउन्डेड जहाज बनाउने निर्णय गरेको थियो। त्यही अनुसार मन्त्री किराँतीले सञ्चार माध्यममा हाल सञ्चालनमा रहेको २ र नयाँ खरिद गरिने ३ जहाज सँगै ग्राउन्डेड जहाज बनाएर ६ वटा जहाजबाट दुर्गममा सेवा दिने बताउँदै आएका थिए।
तर, ग्राउन्डेड जहाज बनाउन बोर्डबाट निर्णय भएको २ महिना बित्न लाग्दासमेत जहाज नबनेपछि सोमबार मन्त्री किराँती अनुगमनका लागि जहाज मर्मतस्थलमा पुगेका थिए। जहाज मर्मतमा खटिएका टोलीबाट मन्त्री किराँतीले सन्तोषजनक जवाफ नपाएपछि कडारुपमा प्रस्तुत भएका थिए।
