२१ पुस,काठमाडौं। आसन्न राष्ट्रिय सभा सदस्य निर्वाचनमा गठबन्धन दलबाट साझा उम्मेदवार तय गर्न बैठक सुरु भएको छ । प्रधानमन्त्रीको सरकारी निवास बालुवाटारमा अहिले सत्तारुढ चार दलबीच छलफल चलिरहेको छ ।
यसअघि आजै दिउँसो बसेको गठबन्धन बैठकले एमालेसँग सहकार्य नगरी गठबन्धन दलहरूबीच सिट बाँडफाँट गर्ने निर्णय गरेको थियो। आजै ४ दलबीच सहमति जुटाउने र सरकारमा सहभागी अन्य दलसहितको बैठक बसेर निर्णय लिइने नेपाली कांग्रेसका प्रमुख सचेतक रमेश लेखकले बताएका छन्।
