१३ पुस,महोत्तरी। महोत्तरीको एकडारा गाउँपालिका–५ स्थित बहेडामा लुकाई छिपाई रोपिएका गाँजा प्रहरीले नष्ट गरेको छ ।

जिल्ला प्रहरी कार्यालय महोत्तरीबाट बिहीबार खटिएको  टोलीले करिब चार बिगाहा क्षेत्रफलमा लगाइएको गाँजा फँडानी गरेको हो । प्रहरी उपरीक्षक प्रकाश मल्लले बहेडामा लुकाई छिपाई गाँजा खेती गरिएको भन्ने  सूचनाका आधारमा २५ जनाको प्रहरी टोली खटिएर गाँजा उखेलेर नष्ट गरेको बताए ।