९ पुस, चितवन । चितवनमा नारायणी नदीमा हाम फालेर एक युवतीले आत्महत्या गरेकी छिन् ।
शुक्रबार दिउँसो एक बजेतिर नारायणी नदीको पुलमाथिबाट अन्दाजी १८ वर्षीया युवतीले हाम फालेकी थिइन् । जीवितै उद्धार गरी उपचारका लागि भरतपुर अस्पताल चितवनमा लगिएको थियो । तर, उपचारको क्रममा साढे एक बजेतिर मृत्यु भएको जिल्ला प्रहरी कार्यालय चितवनले जनाएको छ ।
अहिले मृतक युवतीको शव भरतपुर अस्पतालको शव गृहमा राखिएको छ । उनको सनाखत हुन नसकेपछि प्रहरीले उनको हुलियाको फोटो सार्वजनिक गरेको छ ।
