८ पुस, जनकपुरधाम । नेपाली कांग्रेस प्रदेश २ को नयाँ नेतृत्वका लागि भएको निर्वाचन सम्पन्न भएको छ।
बिहान ९:४० बजेदेखि सुरु भएको मतदानमा १९३८ मध्ये १८८१ मत खसेको कांग्रेसको प्रदेश २ निर्वाचन समितिका सदस्य अरुण यादवले जानकारी दिए।
कांग्रेस प्रदेश २ को नयाँ नेतृत्वका लागि संस्थापन (सभापति शेरबहादुर देउवा) पक्ष र शेखर कोइराला– विमिलेन्द्र निधि पक्ष प्यानलसहित चुनावी प्रतिष्पर्धामा उत्रिएका छन्। सहमतिमा नेतृत्व टुङ्गो लगाउने प्रयास असफल भएपछि दुवै समूह छुट्टाछुटै प्यानल बनाएर चुनावी मैदानमा उत्रिएका हुन्।
धनुषा र महोतरीको बुथमा ४६६, सिरहा र सप्तरीको बुथमा ४६५, सर्लाही र रौतहटको बुथमा ४८२ तथा बारा र पर्साको बुथमा ४६८ मत खसेको निर्वाचन समितिका सद्स्य अरूण यादवले बताए।
