यूएईमा आयोजित जलवायु सम्मेलनमा सहभागी भएर फर्केपश्चात त्रिभुवन विमानस्थलमा पत्रकारमाझ उनले यस्तो प्रष्टीकरण दिएका हुन् ।प्रधानमन्त्रीलाई पत्रकारले नेपाल फर्किनेबित्तिकै तपाईंले मन्त्रीमण्डलमा व्यापक हेरफेर गर्ने चर्चा चलिरहेको छ नि भनेर सोधेका थिए । उक्त चर्चालाई प्रधानमन्त्रीले खारेज गरे ।

उनले भने, ‘योबारे त सरकार गठन भएदेखि नै चर्चा चलिरहेकै छ । तर, तत्काल केही हुनेवाला छैन ।’ प्रधानमन्त्री प्रचण्डले भने, ‘हामीले केही सोचेको छैन। म आफैँ प्रधानमन्त्री छु, अहिले मेरो नै दिमागमा नै आएको छैन।’

त्यसोत प्रधानमन्त्री स्वदेश फर्किनसाथ सबै मन्त्री परिवर्तन हुने हल्ला चल्दै आएको छ । स्रोतका अनुसार प्रधानन्त्री स्वयंले पनि एक चरणका सत्ता साझेदार दलहरुसँग यस विषयमा छलफल पनि गरिसकेका छन् । तर, निष्कर्षमा भने पुगिनसकेको बताईएको छ ।