१३ मंसिर,कैलाली ।नेकपा एमालेका अध्यक्ष केपी शर्मा ओली कैलाली पुगेका छन् । बुद्ध एयरको जहाजमार्फत ओली धनगढी पुगेका हुन् ।
एमालेले मंसिर १४ गतेबाट सुरु गर्ने मध्य पहाडी लोकमार्ग (झुलाघाट–चिवाभञ्ज्याङ) पदयात्रामा सहभागी हुन मंगलबार साँझ धनगढी गएका हुन्।
एमालेले तीन सातामा टुङ्याउने तयारी गरेको झुलाघाट-चिवाभञ्ज्याङ पदयात्राको उद्घाटन ओलीले नै गर्नेछन्। जसका लागि उनी धनगढीबाट आज बैतडी पुग्ने उनको सचिवालयले जनाएको छ।
१४ गते बिहान अध्यक्ष ओलीले बैतडीको झुलाघाट बाट मध्य पहाडी लोक मार्ग यात्राको उद्घाटन गर्ने छन् । पुष्पलाल राजमार्ग नामकरण गरिएको मध्य पहाडी राजमार्गको लम्बाइ करिब एक हजार ८७९ किलोमिटर छ । झुलाघाट–चिवाभञ्ज्याङ यात्रा तीन सातामा टुङ्ग्याउने एमाले नेताहरूले तयारी गरिरहेका छन् ।
यस यात्राले मुलुकको समृद्धिको नयाँ पाटाहरू पहिचान हुने दाबी गरिएको छ । सबै ठाउँका जनतालाई भेट्ने, राजमार्गले पार्ने प्रभावका विषयमा जानकारी दिने र प्रेरित गर्ने, मौलिक उत्पादनको बजारीकरण गर्ने, जिल्लाका व्यापारिक ठाउँहरूको सम्भावना भएको क्षेत्रहरूमा विकास र समृद्धिबारे बहस गर्ने एमालेले तयारी गरेको छ ।
