१३ मंसिर,काठमाडौं। बार्सिलोना च्याम्पियिन्स लिगको नकआउट चरणमा प्रवेश गरेको छ। घरेलु मैदानमा गएराति भएको खेलमा पोर्टोलाई २–१ गोलले पराजित गर्दै अन्तिम १६ मा स्थान बनाएको हो।
घरेलु मैदानमा पोर्चुगिज टोली पोर्टोविरुद्ध २-१ को पुनरागमन जित निकाल्दै बार्सिलोनाले अन्तिम १६ मा प्रवेश गरेको हो। बार्सिलोनाका लागि जोआओ क्यान्सेलो र जाेआओ फेलिक्सले एक एक गोल गरे।
३० औँ मिनेटमा ब्राजिलियिन विंगर पेपेले गोल गर्दै पोर्टोलाई सुरुवाती अग्रता दिलाएका थिए । तर, ३२ औँ मिनेटमै जोवाओ कान्सेलोले गोल गर्दै खेललाई बराबरी गरे ।
५७ औं मिनेटमा जोवाओ फिलिक्सले गोल गर्दै बार्सिलोनालाई जित दिलाए । बार्सिलोनाले सन् २०२०र२१ को सिजन पछि पहिलोपटक नकआउटमा चरणमा स्थान बनाएको हो ।
समूह ‘एच’ मा रहेको ऊ ५ खेलबाट १२ अंक जोड्दै तालिकाको शीर्षस्थानमा छ । दोस्रो स्थानको पोर्टो र तेस्रो स्थानमा रहेको शाख्तर डोनेस्कको समान ९–९ अंक छ ।
गएराति नै भएको खेलमा बोरुसिया डर्टमन्डले एसी मिलानलाई ३–१ गोलले हराउँदै नकआउट चरणमा स्थान बनायो । गएराति नै भएको अर्को खेलमा पेरिस सेन्ट जर्मेन पीएसजी घरेलु मैदानमा न्युक्यासलसँग १–१ बराबरीमा रोकियो ।
