१२ मंसिर,पोखरा। पोखरामा जारी केपी ओली कप टी२० क्रिकेट प्रतियोगिताको सेमिफाइनल समीकरण पूरा भएको छ।
पोखरा क्रिकेट रंगशालामा भएको दिनको दोस्रो खेलमा आर्मीले प्रदेश १ लाई ३९ रनले पराजित गर्दै सेमिफाइनलमा स्थान सुरक्षित गरेको हो । यो सँगै सेमिफाइनल पुग्ने चारै टोलीको छिनोफानो भएको छ ।
समूह ए बाट बागमती प्रदेश, समूह बी बाट एपीएफ र सी बाट मधेशले अन्तिम चारमा स्थान बनाइसकेका छन्। आर्मीले दिएको १ सय ८७ रनको लक्ष्य पछ्याएको प्रदेश १ १८.२ ओभरमा १ सय ४७ रन बनाउँदा अलआउट भयो।
कोशीका सोनु अन्सारीले सर्वाधिक ४४ रन बनाए। समिर कार्कीले ३४ र सुजन थपलियाले २१ रन थपे। मिनास थापाले १६ रन बनाए। अन्य ब्याटरले दोहोरो अंकको स्कोर छुन सकेनन्।
समुह सीमा भने बलियो टिम नेपाल पुलिस क्लब समूह चरणबाटै बाहिरिन पुग्यो । मंगलबार पुलिस सुदूरपश्चिमसँग ४ विकेटले पराजित हुँदा नेट रनरेटका आधारमा मधेश सेमिफाइनलमा पुगेको हो ।
समूह डीबाट त्रिभुवन आर्मी क्लब समूह चरणको दुवै खेल जित्दै सेमिफाइनल पुगेको छ । आर्मीले पहिलो खेलमा मदन भण्डारी स्पोर्टस एकेडेमी (निलो)लाई ११० रनले र दोस्रोमा कोशी प्रदेशलाई ३९ रनले पराजित गरेको हो ।
