१२ मंसिर,एजेन्सी।हाल जेलमा रहेका पाकिस्तानी पूर्वप्रधानमन्त्री इमरान खानका सल्लाहकारले आफूमाथी एसिड आक्रमण भएको बताएका छन्।हाल बेलायतमा रहेको सल्लाहकार मिर्जा शहजाद अकबरले घरबाहिर एसिड आक्रमणको सिकार भएको बताएका हुन्।
अकबरले आक्रमणमा प्रयोग गरिएको केमिकलले उनको आँखा छुटेको तर शरीरमा चोटपटक भने नलागेको बताए । प्रहरीले अनुसन्धान गरिरहेको जनाएको छ तर अहिलेसम्म कोही पक्राउ परेका छैनन् ।
अकबर पूर्वप्रधानमन्त्री खानका सल्लाहकार हुन्। खानलाई गत वर्ष पदबाट हटाइएका थियो उनी राजनीतिक रूपमा प्रेरित रहेको धेरै आरोपमा जेलमा छन्। तर, पाकिस्तानी पूर्वप्रधानमन्त्री खानले यसलाई अस्वीकार गर्दै आएका छन्।
उनै खानका सल्लाहकार अकबरले टविटरमा लेखेका छन्,‘आक्रमणकारीले ममाथि एसिडको घोल हान्यो र भाग्यो।’ त्यसपछि उनलेनले अङ्ग्रेजीमा अर्को पोस्टमा भने, ‘म डराउने छैन,न त यो गर्नेहरूसँग नै झुक्नेछु।’
उनले आफ्नो परिवारसहित पाकिस्तानबाट भागेपछि बेलायतमा धेरै धम्की आएको बीबीसीलाई बताएका छन्। अकबरले आफ्नो भाइलाई महिनौं पछि पुनः उदय हुनु अघि पाकिस्तानमा जबरजस्ती बेपत्ता पारिएकोसमेत बताएका छन्।
उनका अनुसार कथित एसिड आक्रमण यी धम्कीहरूको एक हिस्सा भएको बताए तर त्यसमा जिम्मेवार को हुन सक्छ? भनेर गरिएको प्रश्नको उत्तर भने उनले दिएनन्। हर्टफोर्डशायर पुलिस अधिकारीहरूले उनलाई सो आक्रमणको रिपोर्टका लागि बोलाइएको थियो।
