९ मंसिर,काठमाडौँ । मदन भण्डारी राजमार्ग अन्तर्गत उदयपुरगढी गाउँपालिका–७ अँधेरीमा विद्यालयको बस पल्टिँदा चालकसहित दुई बालबालिकाको मृत्यु भएको छ ।
प्रदेश १–०५–००१ख–००४४ नम्बरको स्कुल बस दुर्घटना भएको हो । बस सडकबाट करिब ४० फिट तल खसेको छ । जिल्लाको जलजलेस्थित अन्नपूर्ण बोर्डिङ स्कुलको बस दुर्घटनामा बस चालक ४० वर्षीय भिखन चौधरी, त्रियुगा–६ की ७ वर्षीया सौम्या चौधरी र ६ वर्षीय विकास चौधरी रहेका छन् ।
चौधरीका अनुसार दुर्घटनास्थलबाट उद्धार गरी घाइतेहरुलाई जिल्ला अस्पताल गाईघाट ल्याइएको छ। उनले भने, ‘मृतक बस चालक र घाइतेको विवरण संकलन भइरहेको छ, हामीले दुर्घटनागस्त स्थानबाट उद्धार गरी ल्याएका छौँ।’
प्रनाउ चौधरीले थप विवरण संकलन भइरहेकाले हालसम्म एकजनाको मात्र मृत्यु पुष्टि भएको बताउँदै भने, ‘बस के कति कारणले दुर्घटना भयो ? त्यसको अनुसन्धान सुरु भएको छ।’
