९ मंसिर,काठमाडौं ।पूर्व राजा ज्ञानेन्द्र शाहले झापामा आज पृथ्वीनारायण शाहको सालिक अनावरण गर्ने कार्यक्रम तय गरिएको छ । त्यसका लागि शाह शुक्रवार अपराह्न काठमाडौँबाट झापा पुगेका छन् ।
उनी भद्रपुर विमानस्थलमा अवतरण हुँदा ठूलो संख्यामा राजतन्त्र पक्षधरहरुले उनको स्वागत गरेका थिए। बिर्तामोडस्थित ईकम कलेजमा स्थापना गरिएको पृथ्वीनारायण शाहको सालिक अनावरण शनिबार पूर्वराजा शाहले गर्ने कार्यक्रम छ।
पूर्व राजाको झापा भ्रमणलाई सफल बनाउन राष्ट्रिय प्रजातन्त्र पार्टीले तयारी गरेको छ । त्यसका लागि राप्रपा अध्यक्ष राजेन्द्र लिङ्देन केही दिनयता झापामै बसेर व्यवस्थापन मिलाइरहेका छन्। झापामा पूर्वराजलाई राप्रपाले मोटरसाइकल र्यालीमार्फत बिर्तामोड पुर्याउने तयारी गरेको छ । र्यालीमा ५ हजार बढी मोटरसाइकल हुने दाबी गरिएको छ ।
शनिवार दिउँसो १२ बजे मेचीनगरबाट र्याली प्रारम्भ हुने र १ बजे इकम कलेजमा सालिक अनावरण हुने कार्यक्रम राखिएको राप्रपाले जनाएको छ। राष्ट्रिय प्रजातन्त्र पार्टीका प्रवक्ता मोहन श्रेष्ठले पूर्वले परिवर्तनको सन्देश दिने बताउँदै मङ्सिर ९ मा राजा र जनता एक ठाउँमा हुने बताए ।
