३० कात्तिक, काठमाडौं । भारतमा जारी एकदिवसिय क्रिकेट विश्वकपमा बलियो टिम मानिएको दक्षिण अफ्रिकाको ब्याटीङ सेमिफाइनलमा कमजोर बनेको छ । अष्ट्रेलियाविरुद्धको खेलमा उसले २१२ रन मात्र बनाएको छ ।
२४ रनमा चार विकेट गुमाएको दक्षिण अफ्रिकाका ब्याट्सम्यान डेभिड मिलरको शतकको मद्दतले उसले २ सय रन कटाएको हो । मिलरले १०१ रन बनाए ।
त्यस्तै, हेनरिक क्लासनले ४७ रन बनाउनु बाहेक अन्य खेलाडीले ठूलो योगदान दिन सकेनन् । अष्ट्रेलियाका तिव्र गतिका बलर जोस हेजलउड र मिचल स्ट्राकले पावरप्लेभित्रै २–२ विकेट लिएपछि दक्षिण अफ्रिकाको ब्याटीङ धरमराएको हो ।
