यो दुखद समयमा नेपाल इजरायलसँगै रहेको पनि परराष्ट्रमन्त्री साउदले इजरायली समकक्षीसँगको कुराकानीमा बताएका जनाइएको छ।

इजरायली विदेशमन्त्री कोहेनले नेपालको ऐक्यबद्धताका लागि धन्यवाद दिँदै मृत्यु भएका नेपालीहरूको शव पठाउन र नेपाल फर्कन चाहनेहरूलाई इजरायल सरकारले पूर्ण सहयोग गर्ने प्रतिबद्धता जनाएका मन्त्रालयले जानकारी दिएको छ।

शनिबार बिहान हमासको आक्रमणमा परी १० जना नेपालीको ज्यान गएको छ । पछिल्लो तनावका कारण सयौँ नेपाली स्वदेश फर्कनसमेत चाहेका छन् । उनीहरूलाई तेलअभिभस्थित नेपाली दूतावासले इजरायल सरकारसँगको सहकार्यमा सुरक्षित स्थानमा सार्ने काम गरिरहेको छ ।