काठमाडौं । पछिल्लो समय दर्शकले आधुनिक,र्याप,पपसँगै लोक दोहोरीलाई पनि रुचाउने गरेको पाइन्छ । अहिले यस्तै आधुनिकबाटै चर्चा परिचर्चा बटुल्न सफल बहुचर्चित मोडेल सनम कठायतको लोक दोहोरी नयाँ गीत “त्यो मन रुन्छ रुन्न खै ” म्युजिक भिडियो शनिबार सार्बजनिक भएको थियो । उक्त गीत अहिले ट्रेन्डिङ नम्बर ३० मा परेको छ ।
नेपाली समाजको यथार्त वास्तविक घटना बोकेको गीतलाई चर्चित गायक खेम सेन्चुरी र गायिका शान्ति श्री परिवारले स्वर दिएका छन् । बिक्रम बाबु विश्वकर्माको शब्द रहेको गीतमा शम्भु कुँवरले संगीत भरेका छन् ।
भिडियोमा सनम कठायतसहित चर्चित मोडेल स्मारिका ढकालको अभिनय छ। म्युजिक भिडियो सिन्धुपाल्चोक र काठमाडौं क्षेत्रमा छयांकन गरिएको हो ।
‘त्यो मन रुन्छ रुन्न खै’ मा आधारित गीत अहिले लाखौ दर्शकले अत्यन्तै रुचाएका छन् । टिकटक, फेसबुकमा दर्शकले निकै रुचाएका छन् । २ लाख ९० हजार भिवर्स आएको छ भने यस भिडियोलाई १२ हजारले लाइक गरेका छन् भने भिडियोमा ५ सय ८७ले कमेंड गरेका छन् । यसो हेर्दा गीतलाई धेरैले रुचाएको देखिन्छ । गीतमा मनछुने शब्द “आफ्नो माटो परिवार घर, रहर कहाँ छोड्ने मन हुन्छर त्यो मन रुन्छ रुन्न खै मत सानु परदेशी मान्छेको भेटै हुन्छ हनन् र”
हाम्रो समाजमा घटेका सत्य,तत्थ कथालाई आफ्नो गीतमा प्रस्तुत गरेको देखिन्छ । भिडियो निकै मार्मिक बनेको छ । पछिल्लो समय युवाहरु रहरले नभएर बाध्यता बिदेशीनु परेको भिडियोमा चित्रण गरिएको छ । आफ्नो आमाबाबु श्रीमती र छोराछोरीको इच्छा पुरा गर्नको लागि ४० डिग्रीको घाममा दुख कष्ट गरेको घरमा पैसा पठाएको भिडियो देखिएको छ ।
“पछ्यौरी”, “किन मरीन म”, “किन मरीन म २”, “धोकेबाज”, ‘दोष, “पल पल चोट”, “भत्केको घर”, “तिम्रो याद”, “जिन्दगीको बाटो”, “अरुलाई माया”, “अर्कै साथी” जस्ता गीतमा आफ्नो अभिनय गरेर दर्शकको मन मुटुमा बसिसकेका मोडेल सनम कठायतले फेरी नयाँ अभिनय विदेशको यथार्थ कथालाई चित्रण गरेर दर्शकको आँखा रसाएका छन् ।
नबराज उप्रेतीद्वारा छयांकन भएको भिडियोलाई मनोज कार्कीले सम्पादन गरेका छन् भने भिडियोलाई बिनोद भण्डारीले निर्देशन गरेका छन् ।
