गत सेप्टेम्बरमा गोर्खा भूतपूर्व सैनिकले धर्ना बसेपछि बेलायती रक्षामन्त्री बेन वालेस आफैं उपस्थित भएर आन्दोलनरत भूतपूर्व गोर्खा सैनिकको १३ दिन लामो धर्ना तोडाएका थिए । रक्षामन्त्री वालेसले सन् २०२१ भित्र गोर्खा सैनिकको माग पूरा गर्ने प्रतिबद्धता व्यक्तसमेत गरेका थिए ।
नेपाल सरकारले भूतपूर्व गोर्खा सैनिकको माग सम्बोधनका लागि बेलायतसँग संवादको पहल थाल्नका लागि समिति बनाउने जनाइसकेको छ । तर, हाल बेलायतमा नेपालको राजदूत नभएकाले समिति गठन भई संवादको प्रक्रिया अगाडि बढ्न सकेको छैन । नेपाल सरकारले राजदूतस्तरमा समिति बनाएर पहल गर्ने जनाएको छ । राजधानी दैनिकबाट
