सोमबार एक सूचना जारी गर्दै जिल्ला प्रशासनले नेपाली हिन्दू महिलाहरुको महान चाड हरितालिका जितका अवसरमा पाशुपत क्षेत्रमा रक्सी र मासु बेच्न र खान प्रतिबबन्ध लगाएको हो । गौशाला मित्रपार्क सडकदेखि पूर्व, पशुपति क्षेत्रको पूर्व सीमानादेखि पश्चिम, गौशाला तिलगंगा चक्रपथदेखि उत्तर, मित्रपार्क उमाकुण्ड गौरीघाट हुँदै बागमतीदेखि दक्षिणसम्म चार किल्ला तोकेर सो क्षेत्रमा त्यस्ता गतिविधि निषेध गरिएको हो ।

सूचनामा तोकिएका चार किल्लाभित्र मासु, मदिरा, नशालु पदार्थ उत्पादन, बेचबिखन, ओसारपसार, भण्डारण र सेवन गर्न नपाइने उल्लेख छ । सूचना उल्लङ्घन गरे कारबाही गर्ने चेतावनी प्रशासनले दिएको छ ।