काठमाडौं । नेपाली समयानुसार शुक्रबार बेलुका भेनिस फिल्म फेस्टिभलमा नेपाली फिल्म ‘द रेड सुटकेस’को वर्ल्ड प्रिमियर हुँदैछ । प्रिमियरअघि फिल्मका कलाकारले भेनिसको फोटोकलमा सहभागिता जनाएका छन् ।
प्रेममा ब्रेकअपपछि एकसाथ कहिलै नदेखिएका सौगात र सृष्टि पहिलो चोटी आमने–सामने भएका छन् । शुक्रबार इटालीको ‘भेनिस फिल्म फेस्टिभल’मा उनीहरु एकसाथ देखिएका हुन् । भेटमा उनीहरुले भेटमा एकअर्काेसँग बोलचाल पनि नगरेको बताइन्छ । दुबैले एकअर्काेलाई हेरेका मात्र थिए ।
निर्देशक फिडेल देवकोटा, निर्माता रामकृष्ण पोखरेल, कलाकारहरु विपिन कार्की, सौगात मल्ल, सृष्टि श्रेष्ठ, छायाकार सुसन प्रजापित लगायतले फोटोकलमा भाग लिए । भेनिसको ओरिज्यान्टी विधामा छनोट भएको यो फिल्मले प्रिमियरअघि नै मेन्सन अवार्ड जितिसकेको छ ।
