रिजालको बिहीबार बिहान ७:३० बजे उपचारका क्रममा ग्रान्डी अस्पतालमा निधन भएको हो। नेपाली कांग्रेस काठमाडौं-७ का क्षेत्रिय सभापति समेत रहेका रिजाललाई उच्च ज्वरो र निमोनियाँ देखिएपछि गत आइतबार अस्पताल लगिएको थियो। ५ दिनको उपचार अवधिमध्ये २ दिन आइसीयू र २ दिन भेन्टिलेटरमा राखेर उपचार गरिएको थियो।

उपचारका क्रममा बिहीबार बिहान उनको निमोनियाका कारण निधन भएको हो। नगर कार्यपालिकाअन्तर्गत पूर्वाधार समितिका संयोजक समेत रहेका रिजाल २०७४ सालको स्थानीय तह सदस्य निर्वाचनबाट पनि वडाध्यक्ष निर्वाचित भएका थिए।