काठमाडौं । जाडोयाममा खानपिनका खानेकुरा यति सजिलै उपलब्ध हुन्छन् कि शरीरलाई निकै सजिलै स्वस्थ राख्न सकिन्छ । जाडोयाममा सबैभन्दा धेरै खाइने खानेकुरामध्ये एक हो मूला ।
तर मूला हाम्रो स्वास्थ्यका लागि निकै फाइदाजनक तरकारी हो । यसलाइ सलाद र तरकारीको रुपमा खान सकिन्छ । विज्ञहरुका अनुसार मूलाको सेवनले हाम्रो स्वास्थ्यमा पूराउने फाइदा यस्ता छन् ।
रोग प्रतिरोधी क्षमता विकास गर्छ
मूलामा उच्च मात्रामा भिटामिन सी पाइन्छ जसले चिसो मौसममा हुने कफ वा रुघा–खोकीबाट जोगाउँछ । मूलाले शरीरको रोग प्रतिरोधी क्षमता पनि बढाउने काम गर्छ । मूलाले शरीरलाई सिन्निन र जलन कम महसुस गराउन सहयोग गर्छ ।
क्यान्सरबाट बचावट
क्यान्सर जस्ता असाध्य रोगसँग लड्नु असम्भव मानिन्छ । त्यसैले यस्ता रोगबाट बच्नु नै सबैभन्दा उत्तम उपाय हो । मूलाको नियमित सेवनले क्यान्सरको जोखिम घटाउने विभिन्न अध्ययनहरुले देखाएका छन् । मूलामा भिटामिन सी हुने हुँदा यसले सरीरका लागि चाहिने एन्टी अक्सिडेन्टको पनि पर्याप्त आपूर्ति गर्दछ जसका कारण कोषका डिएनए नष्ट हुनबाट बचाउँछ । मूला तथा सागपातको सेवनले खासगरी पेट र आन्द्राको क्यान्सरको जोखिम कम गर्ने विशेषज्ञहरुले बताएका छन् ।
